ಸೃಷ್ಟಿಕರ್ತ ದೇವ
ಸೃಷ್ಟಿಸಿದ್ದೇನೂ ಇಲ್ಲ
ಸೃಷ್ಟಿಸಿದ್ದೆಲ್ಲ ಬರೀ ಶೂನ್ಯ.
ಸೃಷ್ಟಿಸಿದನು ಭೂಮಿಯ
ಅದರಾಕಾರವೊಂದು ಶೂನ್ಯ
ಆಗಸವೂ ಶೂನ್ಯ
ಸೂರ್ಯ ಚಂದ್ರರೂ ಶೂನ್ಯ
ಕಾಲಚಕ್ರವೂ ಶೂನ್ಯ.
ಒಂದಕ್ಕೊಂದು ಕೂಡಿದ
ಕೂಡಿದ್ದನ್ನು ಕಳೆದ
ಗುಣಿಸಿ ಭಾಗಿಸಿ ಕೊನೆಗವನು
ಉಳಿಸಿದ್ದು ಬರೀ ಶೂನ್ಯ.
ನೀನೆಂಬುದು ಏನಿಲ್ಲ
ನಾನೆಂಬುದು ಏನೇನೂ ಇಲ್ಲ
ನಾನು ನೀನು ಇರದೆ
ಬದುಕೆಂಬುದೊಂದು ಶೂನ್ಯ.
ಜನಿಸುವಾಗ ಏನೂ ತಂದಿಲ್ಲ
ಸತ್ತಾಗ ಕೊಂಡುಯ್ಯುವುದು ಏನಿಲ್ಲ
ಕೊಟ್ಟಿದ್ದು ಏನಿಲ್ಲ
ಪಡೆದದ್ದೂ ಏನೂ ಇಲ್ಲ
ಎಲ್ಲ ಇದ್ದೂ ಏನೂ ಏನಿಲ್ಲದ
ಈ ಶೂನ್ಯ ಜಗತ್ತಿನಲಿ
ಜೀವನವೊಂದು ಬರೀ ಶೂನ್ಯ.
ಅರಿಯದೇ ಬರುವ ಮನದ ಪದಗಳ ಸಾಲೇ ಈ ಕಾವ್ಯ 
I never thought ಶೂನ್ಯ have this much of meaning.
ಪ್ರತಿಕ್ರಿಯೆ by MANU — ಮೇ 29, 2009 @ 5:38 ಫೂರ್ವಾಹ್ನ |